4/11/13

ഇന്ത്യക്ക് സ്വാതന്ത്ര്യം കിട്ടി. ഇനി ഈ ആണുങ്ങള്‍ക്ക് എന്നാണാവോ സ്വാതന്ത്ര്യം കിട്ടുക?
















         മുമ്പൊക്കെ കരുതിയത്‌ പെണ്ണിന്‍റെജീവിതം നിശ്ശബ്ദമായ പൊരുതലാണ് എന്നാണ്‌. ഇപ്പോള്‍ തോന്നുന്നു, ആണിന്‍റെ കാര്യം അതിലേറെ കഷ്ടം എന്ന്.
കിട്ടാത്ത സ്നേഹത്തിന്‍റെ, പൊന്നിന്‍റെ, പണത്തിന്‍റെ, വസ്ത്രങ്ങളുടെ, യാത്രകളുടെ പേരില്‍ അവന്‍റെ സ്വസ്ഥത കളയാന്‍ ഞങ്ങള്‍ സ്ത്രീകള്‍ ഭാര്യയുടെ,അമ്മയുടെ, പെങ്ങളുടെ ഒക്കെ കുപ്പായങ്ങളണിഞ്ഞു എപ്പോഴും കാത്തു നില്‍ക്കുന്നു.
അവന്‍ തന്നതിന്‍റെ കണക്കുകള്‍ ഞങ്ങള്‍ സൌകര്യപൂര്‍വ്വം മറക്കുകയും തരാത്തതിന്‍റെത് ഓര്‍ത്തു കൊണ്ടിരിക്കുകയും അതും പറഞ്ഞു അവനെ ജീവിതകാലം മുഴുവന്‍ നോവിച്ചുകൊണ്ടിരിക്കുകയും ചെയ്യുന്നു.
അവന്‍റെ ജീവിതം ഞങ്ങള്‍ക്ക് വേണ്ടി ചുമടെടുക്കാനുള്ളതാണെന്ന് വീട്ടില്‍ ഒരു പണിയും ചെയ്യതെയിരുന്നു ഞങ്ങള്‍ ഓര്‍മിപ്പിച്ചുകൊണ്ടിരിക്കുന്നു.
സ്വസ്ഥത എന്തെന്ന് അവന്‍ അറിയുന്നേയില്ല.
അവന്‍ എളുപ്പം വൃദ്ധനായി തീരുന്നു. കൂടിയാല്‍ അറുപതോ എഴുപതോ വയസ്സ്.
അപ്പോഴും ഇനിയെനിക്കാര് എന്ന സ്വാര്‍ത്ഥതാപരമായ കരച്ചിലില്‍ തുടങ്ങി സ്വത്തിനു വേണ്ടിയുള്ള പരക്കം പാച്ചിലായി ഞങ്ങളുടെ ജീവിതം മാറുന്നു.
ഞങ്ങള്‍ പിന്നെയും നൂറോ നൂറ്റിപ്പത്തോ വയസ്സുവരെ ആരോഗ്യത്തോടെ ജീവിക്കുന്നു.
ഇനി വിവാഹ മോചനം നടത്തി അവന്‍റെ ജീവിതത്തിലെ ഒരു പെണ്ണിനെ ഒഴിവാക്കാം എന്ന് കരുതിയാല്‍ ഞങ്ങളുടെ തനി സ്വഭാവം അവന്‍ അറിയും.
എടുത്താല്‍ പൊങ്ങാത്ത സ്വത്തും പണവും കൊണ്ടല്ലാതെ ഞങ്ങളെ ഒഴിവാക്കാമെന്ന് കരുതേണ്ട.
അതവന്‍ എങ്ങനെയെങ്കിലും ഉണ്ടാക്കിയെ പറ്റൂ.എങ്ങനെ എന്നൊന്നും ഞങ്ങള്‍ക്ക് അറിയേണ്ട.
ഇന്ത്യക്ക് സ്വാതന്ത്ര്യം കിട്ടി. ഇനി ഈ ആണുങ്ങള്‍ക്ക് എന്നാണാവോ സ്വാതന്ത്ര്യം കിട്ടുക?  
വാല്‍ക്കഷ്ണം: ഞങ്ങള്‍ കൊടുത്തിട്ട് വേണ്ടേ കിട്ടാന്‍!

25 comments:

  1. കലികാല വൈഭവം
    'പെണ്ണെഴുത്ത് പുരുഷപീഡനത്തിനെതിരെ വാദിക്കുന്നു'!
    കുവൈത്തിൽ വന്ന സമയത്ത് എന്റെ ഭാര്യയുടെ 'സ്പോൻസർ', ഒരു കുവൈത്തി സ്ത്രീ എന്റെ ഭാര്യയുടെ അനുജനോട് ചോദിച്ചു "നിറെ ചേച്ചിക്ക്, നിന്നോടാണോ അവളുടെ ഭർത്താവിനൊടാണൊ കൂടുതൽ ഇഷ്ടം" എന്ന് ചോദിച്ചു- അവൻ പറഞ്ഞു- ഭർത്തവിനൊടായിരിക്കും -
    ഞങ്ങൾക്കൊക്കെ ചേട്ടന്മാരോടാണ് - ഭർത്താക്കന്മാർ വന്നും പോയും ഇരിക്കും!
    ഓരോരുത്തർ മാറിപോകുമ്പോൾ,
    നല്ല ഒരു തുക തരാകും !!

    ReplyDelete
    Replies
    1. നമ്മുടെ നാട്ടിലെ സ്ത്രീകള്‍ അതൊരു ബിസിനെസ്സ്‌ ആക്കാതിരിക്കട്ടെ, അല്ലെ?

      Delete
  2. ഇതങ്ങട് ‘ക്ഷ’ പിടിച്ചൂ....അനിതക്കുട്ടിയ്യേ..പണമുള്ളവനായാലും,ഇല്ലാത്തവനായാലും..പെണ്ണൊരുത്തി തുനിഞ്ഞാൽ ഒരു രക്ഷയുമില്ല തന്നെ....ഓഫീസിൽ ക്യാബിനിൽ ഒരു പെൺകുട്ടി വന്നു നിന്നാൽ വാമഭാഗത്തിന്റെ നോട്ടത്തിൽ അമ്പ്..... ഒരു കല്ല്യാണം വന്നാൽ ഉടനെ വേണം സാരിയും,മാലയും,...രാത്രി 12 മണിക്ക് ശേഷം നെറ്റിൽ തുടർന്നാൽ ചോദ്യമുയരും...”ഏവളോടാ ശ്രൃംഗാരം”........അവളുടെ കാറിലെ പെട്രോൾ തീർന്നാൽ അതു ഞാനടീച്ച് കൊടൂക്കണം,അല്ലെങ്കിൽ എന്റെ കാറുമായി അവൾ പോകും... ഇതൊന്നും ഞാനല്ല പറയുന്നത് 99% ഭർത്താക്കന്മാരും...പിന്നെ ഈ പോസ്റ്റ് ഞാൻ എന്റെ ‘സ്വന്തം’ ഭാര്യക്ക് അയച്ച് കൊടുത്തിട്ടൂണ്ട്..........ആശാംസകൾ

    ReplyDelete
    Replies
    1. ഈ കമന്റ് എനിക്കും നന്നായി പിടിച്ചുട്ടോ. കുറച്ചു പേരെങ്കിലും സ്വയം ഒന്ന് അവലോകനം ചെയ്യട്ടെ, അല്ലെ?
      വളരെ സന്തോഷം
      അനിത

      Delete
  3. പെണ്ണ്, ആണ് എന്ന വ്യത്യാസമില്ലാതെ മനുഷ്യരുടെ ഭാഗത്തു നിന്നുമുള്ള ചിന്ത അസ്സലായി ട്ടോ... :)

    ReplyDelete
  4. നിറഞ്ഞ മനസ്സോടെ എഴുതുന്നു
    ആയിരം അഭിനന്ദനങ്ങള്‍.,.!!!

    ഇതാവണം പെണ്ണെഴുത്ത്.
    ഇന്നത്തെ ഒരു വാര്‍ത്തയുമായി അസാമാന്യ ബന്ധമുള്ള ലേഖനം:-

    "നീതി കിട്ടിയെന്ന് യാമിനി തങ്കച്ചി...
    ഇതിപ്പോ നീതീന്ന് പറഞ്ഞാ... ഗണേഷിന്‍റെ കോടികളും, വീടും പുരയിടവും അല്ലേ?.....
    ത്ഫൂ... നാണമില്ലല്ലോ നിന്ന് പ്രസംഗിക്കാന്‍....,...
    ഒന്നുമില്ലെങ്കിലും നിങ്ങളൊരു ഡോക്ടര്‍ അല്ലേ?....
    നിങ്ങള്‍ ശ്രമിച്ചാല്‍ നിങ്ങള്‍ക്ക് വളര്‍ത്തി വലുതാക്കാവുന്നതിലും
    അപ്പുറമാണോ നിങ്ങള്‍ക്ക് നിങ്ങളുടെ മക്കള്‍.
    ഗണേഷ് പരസ്ത്രീകളെ തേടിപ്പോയിട്ടുണ്ടെങ്കില്‍ ഒരു പരിധി വരെ
    നിങ്ങളും കാരണക്കാരിയല്ലേ?.....
    ഗണേഷ് കുട്ടികളെ സംരക്ഷിക്കില്ല എന്നൊന്നും എവിടെയും പറഞ്ഞിട്ടില്ലല്ലോ... ഉണ്ടോ?..
    അപ്പോ നിങ്ങളുടെ കഴിവുകേടുകൊണ്ട് ഗണേഷ് എന്തെങ്കിലും
    കുറുമ്പ് കാണിച്ചിട്ടുണ്ടെങ്കില്‍ വിട്ടുവീഴ്ച ചെയ്തു ഒരുമിച്ച് ജീവിക്കാതെ
    അയാളുടെ സമ്പാദ്യോം അടിച്ചെടുത്തു നിന്ന് ഞെളിയുന്നു.
    എന്നിട്ട് ബാക്കിയുള്ള പെണ്ണുങ്ങള്‍ക്ക്‌ എന്തെങ്കിലും പ്രശ്നമുണ്ടെങ്കില്‍
    അതും ശെരിയാക്കിക്കൊടുക്കാമെന്ന്."

    ചുരുങ്ങിയപക്ഷം പുരുഷപക്ഷത്തുനിന്ന് ചിന്തിച്ച്
    ഇങ്ങിനെയൊരു അഭിപ്രായം എഴുതിയതിന്
    എന്നെന്നും കടപ്പെട്ടിരിയ്ക്കുന്നു.

    നല്ലതും നന്മയും നേരുന്നു

    ReplyDelete
    Replies
    1. വളരെ സന്തോഷം.എനിക്കും മനസ്സ് നിറഞ്ഞു.
      താങ്കള്‍ പറഞ്ഞ വാര്‍ത്ത വായിച്ചതും പിന്നെ വ്യക്തി പരമായി നേരില്‍ കണ്ട ചില പ്രശ്നങ്ങളും തന്നെയാണ് ഈ പോസ്റ്റിനു കാരണം.
      പെണ്ണിന്‍റെ ശരീരമാണ് ഇപ്രാവശ്യം കിട്ടിയത്. അടുത്ത തവണ അത് ആണിന്‍റെതുമാവാം. അതിലൊന്നും കാര്യമുണ്ടെന്നു തോന്നുന്നില്ല. ആത്യന്തികമായി എല്ലാവരും മനുഷ്യര്‍ തന്നെ അല്ലെ? എന്നാലും പെണ്ണായി വളര്‍ന്നതിന്‍റെ പ്രത്യേകത എഴുത്തില്‍ വരുന്നുണ്ടാവാം.
      അനിത

      Delete
  5. അരമനവീടും അഞ്ഞൂറേക്കറും കിട്ട്യാല്‍ എന്ത് പരാതീം തീര്‍പ്പാവും

    ReplyDelete
  6. ഇങ്ങനെ ഒക്കെ എഴുതിപ്പിക്കാനായി ഓരോരോ പെണ്ണുങ്ങള്‍ എറങ്ങി തിരിച്ചാല്‍ പിന്നെ എഴുതാതെ പററ്വോ അനിതക്കായാലും

    ReplyDelete
  7. അപ്പോൾ, ഇതാണ് പെണ്ണെഴുത്ത്.!

    ReplyDelete
  8. എന്‍റെ ഒരു ഫേസ് ബുക്ക് സുഹൃത്ത് അയച്ച മെസേജ് നിങ്ങള്‍ക്കും ഷെയര്‍ ചെയ്യുന്നൂ--

    Chechi... Thanks so muchhh for write up. May be u told aaa samayath thonnyatha ezhthye ennu. Its touch me so much in my life. Sathyangal ezhthuka ethupolatheth. All the best wishes n happy vishu.

    Chechi....
    U r so lucky bcoz ningalkk thurannezhuthanenklm avunnundallo.but na poleyullavarkk ezhthanariylla. Manasslittu sahkkan matram vdhichavara na poleyullavarokke.Sarikm manassl thattunna vakkukala ellavm. Oro alkm kollunnna vakkukal. Nannavnnund ethanu our ezhuthukariyude vjayam. All the best chechi. Snehathinte alavukol bank le balance nokkiyulla kalama eth ellavarkm.

    ReplyDelete
  9. This comment has been removed by the author.

    ReplyDelete
  10. അസ്സലായിരിക്കുന്നു....

    ReplyDelete
  11. ബൂലോകരേ വെറുതേ തല്ലുകൂടണ്ട...............
    ഇതാണ് ശരിക്കും പെണ്ണെഴുത്ത്.!
    ആശംസകൾ.

    ReplyDelete
  12. ഹൊ ഇങ്ങനെയും നല്ല പെണ്ണുങ്ങൾ ഉണ്ടല്ലോ, ചേച്ചീ ഫെമിനിസ്റ്റുകൾ കുത്തികൊല്ലും സൂക്ഷിച്ചൊ ഹഹഹ്ഹാ

    ReplyDelete
  13. സത്യം തന്നെയാണത്...ഞാനുള്‍പ്പെടുന്ന എല്ലാ സ്ത്രീകളും മനപ്പൂര്‍വം കണ്ടില്ലെന്നു നടിക്കുന്ന സത്യം...:)

    ReplyDelete
  14. pപ്രശ്നങ്ങള്‍ പെണ്ണിന് മാത്രം എന്നത് കണ്ണടച്ചു ഇരുട്ടാക്കല്‍ തന്നെയാണ്.

    ReplyDelete
  15. ഒറ്റപ്പെട്ടതെങ്കിലും ഇങ്ങിനെ ചില മറുപക്ഷ ചിന്തകൾ ഉണ്ടാകുന്നത് നല്ലതാണ്. നന്ദി

    ReplyDelete
  16. thikachum reverce.streeyude ullil ninnu thanneyulla purushante chila avasthayileykkulla ethinottam. purushanmaarude karyathil ithu asadhaaranamonnumallathanum.kadha parachilil ninnum chitram varachu kattunnathileykkulla dooram kurayatte ennu asamsikkunnu...

    ReplyDelete
  17. അനിതയുടെ എഴുത്ത് നന്നായിട്ടുണ്ട് . ഇനിയും എഴുതുക

    ReplyDelete
  18. ഒത്തിരി ഒത്തിരി ഇഷ്ടായി ട്ടോ ........ ആണുങ്ങളുടെ ഭാഗത്ത്‌ നിന്ന് ആനുഅള്‍ക്ക് വേണ്ടി വാദിക്കുന്ന പെണ്ണുങ്ങള്‍ ഭൂമി മലയാളത്തില്‍ എന്നല്ല ലോകം ഉണ്ടായിട്ടു ഇന്ന് വരെ എന്റെ വലിയ ഭീമമായ അറിവില്‍ ഇല്ല . സാധാരണ പെണ്ണുങ്ങള്‍ക്ക്‌ മൂട് താങ്ങുന്ന്വര്‍ ആണ് ഒട്ടു മുക്കാല്‍ ആണുങ്ങളും .

    ReplyDelete
  19. കൊള്ളാമല്ലോ madam ഈ എഴുതിയതൊക്കെ എന്തിന്റെ റിസൾട്ട്‌ ആണ് , പുരുഷാധിപത്യ മൂല്യ ബോധം സമൂഹം സ്ത്രീയെ പുരുഷന്റെ സൌകര്യങ്ങല്ക് വേണ്ടി പരുവപെടുത്തി എടുത്തതിന്റെ .. തൊഴില ഇടങ്ങളിൽ നിന്ന് സ്ത്രീയെ അകത്തളങ്ങളിൽ ആക്കിയത് ആരായിരുന്നു ..

    വീട്ടില് ചെയ്യുന്ന ജോലികല്ക്ക് ഒരു വിലയും ഇല്ലേ madam .. അതോ അത് വിലയില്ലാത്ത ജോലി ആണോ ? ഓ എന്ത് വില ...

    madam പറഞ്ഞത് 100% വും ശരിയാണ് , വിവാഹം മോചനം നേടിയാൽ ഒന്നും കൊടുക്കരുത് , കുട്ടികള്ക്ക് ഒപ്പം അവളെ തെരുവില തന്നെ ഉപേക്ഷിക്കണം . പിച്ച തെണ്ടിയോ , തൊഴില ഉറപ്പു ജോലിക്ക് പോയോ , അവർ ജീവിക്കട്ടെ .. അച്ഛന് സ്വാതന്ത്യ്രം വേണം എല്ലോ .

    വിധേയത്വത്തിന്റെ ഗുണ ഭോകതാക്കൾ ആയി അവസാനം മടുക്കുമ്പോൾ വിധേയയ നല്കാത്ത സ്വാതന്ത്ര്യത്തെ കുറിച്ച് കരയട്ടെ ..

    സ്വതന്ത്ര വ്യക്തിക്ക് മാത്രമേ മറ്റൊരാളുടെ സ്വാതന്ത്ര്യത്തെ അമ്ഗീകരിക്കണോ മനസ്സില് ആക്കണോ കഴിയുക ഉള്ളു ..

    വീടിനുള്ളിൽ ബാലല്സഘം ചെയ്യപെടുന്ന സ്ത്രീകള് ഉണ്ട് എന്ന് അറിയുമോ ആവോ . ഓ !!! അതിനെത വിവാഹ മോചനം നേടി അങ്ങ് പോയാല പോരെ ... ഇനിയിപ്പോൾ ബലാല്സംഗം ചെയ്യപെട്ടാൽ തന്നെ എന്താ കുഴപ്പം അയാൾ അല്ലെ 4 നേരം തിന്നാൻ തരുന്നത് അല്ലെ madam

    പുരുഷന് സ്വാതന്ത്ര്യം തീര്ച്ചയായും വേണം ... സ്ത്രീകളെ തോന്നുമ്പോൾ ഒന്നും കൊടുക്കാതെ വലിച്ചെറിയണം .. വീട്ടില് ഇത്തിരി ജോലി ചെയ്തതിനു അവൻ നാല് നേരം തിന്നാൻ കൊടു കൊള്ളാമല്ലോ madam ഈ എഴുതിയതൊക്കെ എന്തിന്റെ റിസൾട്ട്‌ ആണ് , പുരുഷാധിപത്യ മൂല്യ ബോധം സമൂഹം സ്ത്രീയെ പുരുഷന്റെ സൌകര്യങ്ങല്ക് വേണ്ടി പരുവപെടുത്തി എടുത്തതിന്റെ .. തൊഴില ഇടങ്ങളിൽ നിന്ന് സ്ത്രീയെ അകത്തളങ്ങളിൽ ആക്കിയത് ആരായിരുന്നു ..

    വീട്ടില് ചെയ്യുന്ന ജോലികല്ക്ക് ഒരു വിലയും ഇല്ലേ madam .. അതോ അത് വിലയില്ലാത്ത ജോലി ആണോ ? ഓ എന്ത് വില ...

    madam പറഞ്ഞത് 100% വും ശരിയാണ് , വിവാഹം മോചനം നേടിയാൽ ഒന്നും കൊടുക്കരുത് , കുട്ടികള്ക്ക് ഒപ്പം അവളെ തെരുവില തന്നെ ഉപേക്ഷിക്കണം . പിച്ച തെണ്ടിയോ , തൊഴില ഉറപ്പു ജോലിക്ക് പോയോ , അവർ ജീവിക്കട്ടെ .. അച്ഛന് സ്വാതന്ത്യ്രം വേണം എല്ലോ .

    വിധേയത്വത്തിന്റെ ഗുണ ഭോകതാക്കൾ ആയി അവസാനം മടുക്കുമ്പോൾ വിധേയയ നല്കാത്ത സ്വാതന്ത്ര്യത്തെ കുറിച്ച് കരയട്ടെ ..

    സ്വതന്ത്ര വ്യക്തിക്ക് മാത്രമേ മറ്റൊരാളുടെ സ്വാതന്ത്ര്യത്തെ അമ്ഗീകരിക്കണോ മനസ്സില് ആക്കണോ കഴിയുക ഉള്ളു ..

    വീടിനുള്ളിൽ ബാലല്സഘം ചെയ്യപെടുന്ന സ്ത്രീകള് ഉണ്ട് എന്ന് അറിയുമോ ആവോ . ഓ !!! അതിനെത വിവാഹ മോചനം നേടി അങ്ങ് പോയാല പോരെ ... ഇനിയിപ്പോൾ ബലാല്സംഗം ചെയ്യപെട്ടാൽ തന്നെ എന്താ കുഴപ്പം അയാൾ അല്ലെ 4 നേരം തിന്നാൻ തരുന്നത് അല്ലെ madam

    പുരുഷന് സ്വാതന്ത്ര്യം തീര്ച്ചയായും വേണം ... സ്ത്രീകളെ തോന്നുമ്പോൾ ഒന്നും കൊടുക്കാതെ വലിച്ചെറിയണം .. വീട്ടില് ഇത്തിരി ജോലി ചെയ്തതിനു അവൻ നാല് നേരം തിന്നാൻ കൊടുത്തില്ലേ . പിന്നെ ആഭരണം ഒക്കെ കൂടുതൽ തിന്നതിന്റെയും ഒക്കെ കൂലി ആയിട്ട് അവനു തന്നെ കൊടുക്കണം . ത്തില്ലേ . പിന്നെ ആഭരണം ഒക്കെ കൂടുതൽ തിന്നതിന്റെയും ഒക്കെ കൂലി ആയിട്ട് അവനു തന്നെ കൊടുക്കണം .

    ReplyDelete
  20. മാതോ നിയന്ത്രിതി ബാല്യേ
    കാമുകി നിയന്ത്രിതി കൌമാരേ
    ഭാര്യോ നിയന്ത്രിതി യൗവനെ
    പുത്രി നിയന്ത്രിതി വാർധക്ക്യെ

    ന പുരുഷ സ്വന്തന്ത്ര അർഹതി ! :)


    ReplyDelete