3/23/15

രഹസ്യം





അരുത്‌, കളയരുതെന്നെ
ഞാനൊരു കാര്യം
പറഞ്ഞോട്ടെ.

മറന്നുവോ നീ എന്നെ?
ഒരു ദുര്‍ബല നിമിഷത്തില്‍
ആരോരു മറിയാതെ
എന്നോടൊത്തൊളിച്ചോടാന്‍
നീയും നിനച്ചതല്ലേ?
അത് പിന്നെ
തിരുത്തിയതല്ലേ?
ആരോടും ഒരിക്കലും
പറഞ്ഞില്ല ഞാന്‍
അത് നമുക്ക് മാത്രമറിയുന്ന
കുഞ്ഞു രഹസ്യം.

എന്തെങ്കിലുമൊക്കെ
കരുതി വയ്ക്കണം,
നാളെയ്ക്കായ്.
ഒന്നിനും പറ്റിയില്ലെങ്കില്‍
എന്നെപ്പോലൊരു
പാവത്തെയെങ്കിലും!

വീട് വൃത്തിയാക്കുമ്പോൾ
കൈയ്യിൽ കിട്ടിയൊരു
സുന്ദരൻ കയർ,
കളയാനായ് നോക്കവേ
ചിരിച്ചുകൊണ്ടോതിയത്.......

****************************

30 comments:

  1. Replies
    1. ഒരു തമാശയ്ക്കെങ്കിലും ആളുകള്‍ എപ്പോഴെങ്കിലും ആത്മ ഹത്യയെ പറ്റി ചിന്തിക്കില്ലേ? അത്രേ ഉദ്ദേശിച്ചുള്ളൂ--

      Delete
  2. അതു കളഞ്ഞേക്കൂ.!!!.

    ReplyDelete
    Replies
    1. എന്തിനാ കളയുന്നെ? ഊഞ്ഞാല് കെട്ടാലോ?

      Delete
  3. കവിത കൊള്ളാം.ആരും ആത്മഹത്യയേക്കുറിച്ച്‌ ചിന്തിക്കാതിരിക്കട്ടെ!!!

    ReplyDelete
    Replies
    1. സുധി, ഇത്രയും വെവലാതിപ്പെട്ടത്‌ കൊണ്ട് മാത്രം പറയാം. സീരിയസ് ആയി അല്ലെങ്കിലും ഇടയ്ക്കൊക്കെ ആരും അങ്ങനൊന്ന്ചിന്തിച്ചു പോകൂലെ? ഞാന്‍ ചിന്തിച്ചത് വിവാഹം കഴിഞ്ഞ്, അച്ഛന്റെ തണലില്‍ നിന്ന് മാറി, പൊരി വെയിലത്ത് നിര്‍ത്തപ്പെട്ടപോലത്തെ അവസ്ഥയിലാണ്. ആ അവസ്ഥ പോലും ഞാന്‍ സ്വയം ചിന്തിച്ച് ഉണ്ടാക്കുന്നവയാണ്, അല്ലെങ്കില്‍ എല്ലാ പെണ്‍കുട്ടികളും കടന്നുപോകുന്ന അവസ്ഥയാണ് എന്നൊന്നും അന്ന് മനസ്സിലാക്കാനുള്ള പക്വത ഇല്ലാത്തത് തന്നെ ആയിരുന്നു കാരണം എന്ന് ഇന്നറിയാം. അന്ന് പക്ഷെ ഭര്‍ത്താവിനു സ്നേഹം ഒരുപാടു ഉണ്ടായിട്ടുപോലും അത് പ്രകടിപ്പിക്കാന്‍ അറിയാത്തത് കൊണ്ട്, 22 വയസ്സുള്ള ഒരു പെണ്‍കുട്ടി "രക്ഷപ്പെടാനുള്ള" പല വഴികള്‍ ആലോചിച്ചപ്പോള്‍ തെളിഞ്ഞു വന്ന ഒരു വഴി ഇതായിരുന്നു. ഇന്നാലോചിക്കുമ്പോള്‍ ചിരി വരും എങ്കിലും!

      Delete
    2. ശ്ശോ!!!ഇങ്ങനെ ചിന്തിക്കാൻ തുടങ്ങിയാൽ എന്നാ ചെയ്യും.!!!ഹും!!!

      Delete
  4. This comment has been removed by the author.

    ReplyDelete
  5. ജീവിതം മടുക്കുന്ന ചില ദുര്‍ബലനിമിഷങ്ങളില്‍........
    ആശംസകള്‍

    ReplyDelete
    Replies
    1. അതേ -- എപ്പോഴും സന്തോഷം തന്നുകൊണ്ടിരിക്കാന്‍ ജീവിതത്തിനു കഴിയില്ലല്ലോ! അതുണ്ടാക്കേണ്ടത്‌ നമ്മള്‍ ആണ് എന്നാ കാര്യം പലപ്പോഴും നമ്മളും മറക്കും.

      Delete
  6. കയറിനുമുണ്ടൊരു കഥപറയാന്‍!

    ReplyDelete
    Replies
    1. അതെ-- കഥ എന്തിലും ഉണ്ടാവും... എല്ലാം നമ്മുടെ ജീവിതവുമായി കണക്ടട് ആണല്ലോ!

      Delete
  7. സത്യത്തില്‍ അത്തരം അനുഭവങ്ങള്‍ നമ്മുടെ ജീവിതത്തെ ഉറപ്പുറ്റതാക്കുന്നു ചെ റുതിലൂടെ വലുത് പറഞ്ഞു അനിതാ ..
    ഗുഡ് ..

    ReplyDelete
  8. Replies
    1. ഏയ്‌-- അതൊരു ഊഞ്ഞാല്‍ കയറാ---

      Delete
  9. എന്നാലും രക്ഷപ്പെട്ടല്ലോ ആ അഭിശപ്ത നിമിഷത്തില്‍ നിന്നും

    ReplyDelete
    Replies
    1. ചുമ്മാ--- അങ്ങനെ ചിന്തിച്ചത് പോലും ഒരു തമാശയോടെ ആണ്. തീര്‍ച്ചയായും ചെയ്യില്ലായിരുന്നു.

      Delete
  10. കയറിനുമുണ്ടൊരു രഹസ്യം പറയാൻ. നന്നായി പറഞ്ഞു.

    ReplyDelete
  11. കയറും പറഞ്ഞു.... എന്നാലും വേണ്ട..

    ReplyDelete
    Replies
    1. അതെ-- വേണ്ട--- നന്ദി--

      Delete
  12. കയറിൻമേലാണ് കളിയല്ലേ? വേണ്ട വേണ്ടാ...

    ReplyDelete
    Replies
    1. ഒരു തമാശ ചിന്തയാ-- വേണ്ടാ-----------------

      Delete
  13. ശ്രമം നന്നായി.ഇടയ്ക് കവിത കാടു കയറുന്നുണ്ട്

    ReplyDelete
    Replies
    1. ഇതൊന്നും എഴുതാന്‍ വേണ്ടി എഴുതുന്നതല്ല-- വന്നു പോകുന്നതാണ്-- നന്നാക്കാം -- നന്ദി--

      Delete
  14. അജിത്തേട്ടന്റെ അഭിപ്രായം തന്നെ. കയറിനുമുണ്ട് കഥ പറയാന്‍.

    ReplyDelete
  15. Kayar kondu vellam valikkam..daaham theerkkamm...snehathe varinju kettam ...alle anitha.....mosamilla ketto..

    ReplyDelete
  16. Kayar kondu vellam valikkam..daaham theerkkamm...snehathe varinju kettam ...alle anitha.....mosamilla ketto..

    ReplyDelete