4/19/13

വളര്‍ത്തു മൃഗം








 അനിത പ്രേംകുമാര്‍








അവന്‍റെ ഉള്ളില്‍ ആരോടും 
പകയോ വിരോധമോ ഇല്ല. 
അങ്ങനെ ആര്‍ക്കെങ്കിലും തോന്നുന്നു  
എങ്കില്‍, അതവന്‍റെ കുറ്റമല്ല.

എന്നാലും അവന്‍ നിങ്ങളില്‍ നിന്നും
ഒരല്പം അകലം സൂക്ഷിക്കുന്നു.
നിങ്ങള്‍ അറിയുക,
അടുക്കുംമ്പോഴൊക്കെ നിങ്ങള്‍
സ്വാതന്ത്ര്യം മുതലെടുത്ത് അവനെ തല്ലിയിരുന്നു.
ചീത്ത വിളിച്ചിരുന്നു,
എടുക്കാതിരുന്ന ചുമടുകളുടെ പേരില്‍.

അവന് പലരെയും പേടിയാണ് 
നിസ്സഹായനായി,അനാഥനായി, അവന്‍  
നിങ്ങളുടെ മുമ്പില്‍ ഒരുപാടു കേണിട്ടുണ്ട് 
ഒരല്പം കരുണയ്ക്ക്,ഒരല്പം സ്വാതന്ത്ര്യത്തിന്. 
അന്ന് നിങ്ങള്‍ക്കത് മനസ്സിലായില്ല, 
അല്ലെങ്കില്‍ മനസ്സിലാകാത്തപോലെ നടിച്ചു.
ഒരുപാടു കാലം അവ ന്‍ നിങ്ങളുടെ വിഴുപ്പ് ചുമന്നതല്ലേ? 
ഓര്‍ക്കാന്‍ നിങ്ങള്‍ക്ക് ഇഷ്ടമല്ലെങ്കിലും. 
അവനെ സ്നേഹിക്കേണ്ട, തല്ലാതിരുന്നുകൂടെ?  
കരുണയുടെ ഒരു നോട്ടം അവനും കൊടുത്തുകൂടെ?


--------------------------------------------------------------

15 comments:

  1. “പൊതുജനം കഴുത”യിലെ കഴുതയാണോ ഇത്?
    എങ്കില്‍ കാരുണ്യം അല്പവും പ്രതീക്ഷിക്കേണ്ട

    കഴുതപക്ഷത്തുനിന്നുള്ള വീക്ഷണം കൊള്ളാം കേട്ടോ

    ReplyDelete
  2. കരുണയുടെ ഒരു നോട്ടം.........

    ReplyDelete
    Replies
    1. കിട്ടാന്‍ ഇത്തിരി കഷ്ടാ--
      അനിത

      Delete
  3. നോക്കുകൂലി പോയിട്ട് ജോലിക്കൂലിപോലും നേരെ ചൊവ്വേ കിട്ടാത്ത ഇവരുടെ കഷ്ട്ടപ്പാടുകള്‍ സിപിഎം നെ പൊലുള്ള തോഴിലാളിപ്രസ്ഥാനങ്ങള്‍ (എന്ന് പറയപ്പെടുന്നു)പോലും കാണുന്നില്ലല്ലോ?
    കരുണ നിറഞ്ഞ കാവ്യത്തിനു ഒരു സലാം

    ReplyDelete
    Replies
    1. സലാം സന്തോഷതോടെ സ്വീകരിച്ചിരിക്കുന്നു.
      അനിത

      Delete
  4. കഴുതയുടെ നന്ദി

    ReplyDelete
    Replies
    1. സ്വീകരിക്കുന്നു---

      Delete
  5. ഹും.!!!
    ആന്തരികമായി ഒരുപാട് ഒളിയമ്പുകള്‍ ഒളിപ്പിച്ചു
    വെച്ചിട്ടുള്ള ഈണത്തില്‍ചൊല്ലാന്‍ കഴിയാത്ത
    ഒരു സംഭവം തന്നെ.. ഇത്.

    അനിതാ-മേഡത്തിന്‍റെ എല്ലാ എഴുത്തുകളിലും
    ഒരു സ്പെഷ്യല്‍ ടച്ച് എനിക്ക് ഫീല്‍ ചെയ്യുന്നുണ്ട്.

    ആശംസകള്‍


    ReplyDelete
    Replies
    1. ഇത് കവിതയായല്ല എഴുതിയത്.വേണമെങ്കില്‍ ഗദ്യ കവിതാന്നു പറയാം.
      ഞാന്‍ എഴുതുന്നതില്‍ ഭാവനയെക്കാള്‍ എന്റെയോ ചുറ്റുമുള്ളവരുടെയോ സന്തോഷങ്ങളും ,വേദനകളും, മാനസിക സംഘര്‍ഷങ്ങളും ഒക്കെ ചെരുന്നതുകൊണ്ടാവാം സ്പെഷ്യല്‍ ടച്ച്‌ തോന്നിയത്. സന്തോഷമുണ്ട്.
      പിന്നെ, എനിക്ക് 41 വയസ്സ്. എന്നെക്കാള്‍ ഇളയതാണെങ്കില്‍ അനിതേച്ചീ-- ന്നു വിളിക്കാം. മൂത്തയാളാണെങ്കില്‍ ധൈര്യായി പേര് വിളിക്കൂ. ഈ madam വേണ്ടാ.
      അനിത

      Delete
  6. ഒരു കഴുതയുടെ രോദനം

    ReplyDelete
  7. ഷാജു, പ്രമോദ്, വന്നതിലും വായിച്ചതിലും സന്തോഷം.

    ReplyDelete
  8. എല്ലാവർക്കും ജീവിതത്തിൽ എന്തെങ്കിലും ചുമടുണ്ടാവും. ആ അർഥത്തിൽ എല്ലാവരും കഴുതകൾ തന്നെ. കൊള്ളാം.

    ReplyDelete
  9. നമുക്കിടയിൽ ചെറിയ ചെറിയ അടിമത്വം ഒരു പാട് ഉണ്ട് ...good ...ishdamayii..ezhuthu

    ReplyDelete