3/4/13

സിംഹ നാദം


അച്ഛന്‍റെ കവിതകള്‍



 
 









പൊട്ടിയ വാളും ഉടഞ്ഞ ശംഖും തന്ന്
എന്നോമനേ നിന്നെയനുഗ്രഹിക്കാം.
കൊല്ലാം, മരിക്കാം, ജയിച്ചു കേറാമെന്ന്,
നാളെയൊരു സാമ്രാജ്യമോമനിക്കാമെന്ന്.

ആരെയും സ്നേഹിക്ക വേണ്ട കുഞ്ഞേ-
അവര്‍ നിന്നെയെറിയുന്ന ചുഴികളില്‍-
 -നിന്നുമാഴങ്ങളില്‍ നിന്നും
നീ പിന്നെ വീണ്ടും ഉയിര്‍ത്തെണീക്കുമ്പോള്‍

വെട്ടിപ്പിടിക്കുക, ഓര്‍ത്തു ചിരിക്കുക,
ഈ ഉടഞ്ഞ ശംഖില്‍ നിന്‍റെ സിംഹ നാദം മുഴക്കുക.

                                                                         കെ. ഗോവിന്ദന്‍ മാസ്റ്റര്‍, തില്ലെങ്കേരി

(അദ്ദേഹം  അവസാന നാളുകളില്‍ ഉപയോഗിച്ചിരുന്ന ഡയറിയില്‍ നിന്നും എടുത്തെഴുതുന്നത്. ഈ കവിതകള്‍  ഞങ്ങള്‍ കാണുന്നത് തന്നെ ഇപ്പോഴാണ്. പലതും കുത്തിക്കുറിക്കുന്നതിനിടയില്‍  തിളങ്ങി നിന്ന ചില കൊച്ചു കൊച്ചു കവിതകള്‍. അതിലോന്നാണിത്. മുമ്പ് കിട്ടിയ ഒന്ന് -കാക്കയ്ക്ക് പറയാനുള്ളത്- ഈ ബ്ലോഗില്‍ ഇട്ടിരുന്നു. 
പൊട്ടിയ വാളും ഉടഞ്ഞ ശംഖും എന്ന ഈ കവിത മലയാള കവിതയെ സ്നേഹിക്കുന്ന എല്ലാവര്‍ക്കും പിന്നെ അദ്ദേഹത്തിന്‍റെ പ്രിയപ്പെട്ടവര്‍ക്കുമായി  സമര്‍പിക്കുന്നു)

15 comments:

  1. കുരുങ്ങിയ വരികളിൽ ഒത്തിരി ചിന്തകൾ വിളിച്ചു പറയുന്ന വരികൾ....
    പങ്കുവെച്ചതിനു നന്ദി....

    ReplyDelete
    Replies
    1. ചുരുങ്ങിയ വരികളിൽ എന്നു തിരുത്തി വായിക്കാനപേക്ഷ...

      Delete
  2. ചെറിയ വരികളിലെ വലിയ അര്‍ഥങ്ങള്‍

    ReplyDelete
  3. അച്ഛനിലെ കവിഭാവനയ്ക്ക് എല്ലാ ആശംസകളും !

    ReplyDelete
    Replies
    1. മിനി, കവി ഇന്നീ ലോകത്തിലില്ല. ഇതുപോലുള്ള കുറച്ചു കവിതകളും സ്വന്തം ജീവിതത്തിലൂടെ കുറെ മൂല്ല്യങ്ങളും പകര്‍ന്നു തന്നിട്ട് അദ്ദേഹം 2011 OCTOBER 9 ആം തീയ്യതി തിരിച്ചുപോയി.

      Delete
  4. അനിതേച്ചീ..
    നല്ല ഉദ്യമം

    ReplyDelete
    Replies
    1. അനിതെച്ചീ-- എന്ന് വിളിച്ചതിലുള്ള സന്തോഷം ആദ്യം അറിയിക്കുന്നു. Thanks for the visit

      Delete
  5. സാബു, പ്രമോദ്‌, എല്ലാവരും വായിച്ചതില്‍ സന്തോഷം
    അനിത

    ReplyDelete
  6. ഭാവുകങ്ങള്‍ ആശംസകള്‍

    കവിത നന്നായിരുന്നു പക്ഷെ കവി ഇന്നില്ല.. താങ്കളുടെ ദുഃഖത്തില്‍ ഞങ്ങളും പങ്കു ചേരുന്നു

    ReplyDelete
    Replies
    1. വളരെ നന്ദി, വന്നതിനും വായിച്ചതിനും

      Delete
  7. ഇന്നിനെ നേരത്തെ കണ്ട വരികള്‍

    ReplyDelete
  8. very good poem. Eppozhathe avasthakku valare yojichathanu

    ReplyDelete