10/24/13

ഉടമകള്‍ അറിയാന്‍




 കവിത : അനിത പ്രേംകുമാര്‍, ബാംഗ്ലൂര്‍








അടിമകള്‍ ഉടമകളോട് പ്രതികരി‍ക്കുന്നത്
സ്നേഹക്കുറവു കൊണ്ടല്ല.
ഏറെനാള്‍ മിണ്ടാതിരുന്നു മിണ്ടുമ്പോള്‍
ഉടമകള്‍ അങ്ങനെ കരുതുകയാണ്.

 എതിര്‍ക്കുന്നത് മുതിര്‍ന്നവരോടാണെങ്കില്‍
അത് തര്‍ക്കുത്തരം ആയി നിര്‍വ്വചിക്കും.
അവളെ വിട്ടവര്‍ ‍ പ്രതിക്കൂട്ടിലാക്കുന്നത്
വളര്‍ത്തിയ രക്ഷിതാക്കളെ തന്നെയായിരിക്കും.

എതിര്‍ക്കുന്നത് ആണിനോട് പെണ്ണാണെങ്കില്‍
അവള്‍ ഫെമിനിസ്റ്റ് ആയി മാറ്റപ്പെടും.
നിങ്ങള്‍ അടക്കമുള്ള എല്ലാ സുഹൃത്തുക്കളും
അവളെ ഫെമിനിച്ചി എന്ന് വിളിച്ചാഘോഷിക്കും.

എതിര്‍ക്കുന്നത് ഭര്‍തൃ വീട്ടുകാരോടെങ്കില്‍
അവള്‍ തലയിണ മന്ത്രക്കാരിയായ് മാറ്റപ്പെടും.
ഒന്നിനുമില്ലാത്ത ഭര്ത്താവുപോലും
പെങ്കോന്തനെന്നും അറിയപ്പെടും.

എതിര്‍ക്കുന്നത് രാഷ്ട്രീയത്തിലാണെങ്കില്
അത് അച്ചടക്ക ലംഘനമായി തീരും.
നേതാക്കള്‍ ‍ പല്ലും നഖവും ഉപയോഗിച്ച്
അടിച്ചമര്‍ത്തി വിജയക്കൊടിനാട്ടും.‍‍‍

എതിര്‍ക്കുന്നത് ഏതെങ്കിലും മതത്തിനെ ആണെങ്കില്‍
അവള്‍‍ വര്‍ഗീയ വാദിയായ് അറിയപ്പെടും.
തെറ്റുകള്‍ ഇല്ലാത്ത മതാചാരങ്ങളില്ലെങ്കിലും
മാറുവാന്‍ തയ്യാറല്ല, മതാചാര്യ വര്‍ഗ്ഗം.‍

അടിമകളെ പ്രതികരിക്കാന്‍ അനുവദിക്കുക.
അത് ബന്ധങ്ങള്‍ നില നിര്‍ത്താന്‍ സഹായിക്കും.
സ്വാഭാവിക പ്രതികരണങ്ങള്‍ പ്രോത്സാഹിപ്പിക്കുക.
അസ്വാഭാവിക പ്രതികാരങ്ങള്‍  ആവാതിരിക്കാന്‍.

                            
                                                  *  *  *

13 comments:

  1. കവിതയോ, കഥയോ, കാര്യമോ ??? പറയാനുള്ളത് പറഞ്ഞു.

    ReplyDelete
    Replies
    1. മനസ്സില്‍ തട്ടിയ ഒരു കുഞ്ഞു സംഭവം--- അതിനെ ഊതി വീര്‍പ്പിച്ചു , കൂടെ എന്നും കാണുന്ന ചിലത് കൂടി കൂട്ടിച്ചേര്‍ത്തു--- അത്രെയുള്ളൂ--- ഒരു ഗദ്യ കവിതയാക്കിക്കോളൂ--

      Delete
  2. എതിര്‍പ്പ് എപ്പോഴും എതിര്‍പ്പ് ക്ഷണിച്ചുവരുത്തുന്നു

    ReplyDelete
    Replies
    1. അതെ-- അതുകൊണ്ട് തന്നെയാണ് മിണ്ടാതിരിക്കേണ്ടി വരുന്നത്--- എന്തിനാ വെറുതെ--- എന്ന്--

      Delete
  3. എതിര്‍ക്കപ്പെടെണ്ടതിനെ എതിര്‍ക്കാതിരിക്കാതിരിക്കുക...

    ReplyDelete
    Replies
    1. മനോജേ--- നെഗറ്റീവ് * നെഗറ്റീവ് = പോസിറ്റീവ് എന്ന കണക്കു ഓര്‍മ്മ വന്നു, ഈ കമന്റ് വായിച്ചപ്പോള്‍--- സന്തോഷം--

      Delete
  4. ഏതെങ്കിലും തരത്തിൽ ഒരടിമയാകാതെ മനുഷ്യനു ജീവിക്കാനാവുമോ...? ഒന്നുമില്ലെങ്കിലും സ്നേഹത്തിനു മുൻപിലെങ്കിലും....!
    കവിത കൊള്ളാം.
    ആശംസകൾ...

    ReplyDelete
    Replies
    1. സന്തോഷം, വി.കെ--- പിന്നെ സ്നേഹം യഥാര്‍ത്ഥ മാണെങ്കില്‍ അവിടെ അടിമ, ഉടമ ഭാവം വരുന്നില്ലല്ലോ! സ്നേഹത്തിന്റെ അഭാവത്തില്‍, ബന്ധങ്ങളുടെ പേരില്‍ അല്ലെ, ഇത്തരം പൊല്ലാപ്പുകള്‍ വരുന്നത്---

      Delete
  5. ഗദ്യ കവിത നന്നായിരിക്കുന്നു. ചിന്താത്മകം. ഞാൻ എന്റെ ഒരു ബ്ലോഗിൽ എഴുതിയപോലെ, എല്ലാവരും അവനവന്റെ ഭാഗത്ത് നിന്നുകൊണ്ട് മാത്രം ചിന്തിക്കുന്നു. അതല്ലല്ലോ ലോകം.
    ആശംസകൾ.

    ReplyDelete
    Replies
    1. അത് ശരിയാണ് ഡോക്ടര്‍-- എന്നാലും മറ്റുള്ളവരുടെ ഉള്ളില്‍ കയറി ചിന്തിക്കാന്‍ ശ്രമിക്കാറുണ്ട്-- നന്ദി---

      Delete
  6. അടിമകളും ഉടമകളും ഇല്ലാതാവട്ടെ! അപ്പോള്‍ എതിര്‍പ്പും ഉണ്ടാവില്ലായിരിക്കും, അല്ലേ?

    ReplyDelete
  7. അതെ--- സ്നേഹത്തിന്റെ ഭാഷയില്‍ എല്ലാവരും പരസ്പരം സംസാരിക്കുകയും ഇടപെടുകയും ചെയ്യട്ടെ---

    ReplyDelete
  8. nannaittundu...nanmakal nerunnu

    ReplyDelete