7/31/13

ഇന്‍ബോക്സ്‌

















"ഹായ് "
------------
"ഹലോ"
----------
"ചായ കുടിച്ചോ?"
------------------
"എന്താ മിണ്ടാത്തെ?"----------
----------------------
------------------------
"ഊണ് കഴിഞ്ഞോ?"
------------------------
"എന്താ ജോലി, എത്രയാ  വയസ്സ്?"
-----------------------

ചാറ്റിങ് താല്പര്യമില്ല എന്ന് എത്ര പറഞ്ഞാലും, പച്ച വെളിച്ചം കത്തിച്ചില്ലെങ്കിലും ഇങ്ങനെയുള്ള ചോദ്യങ്ങള്‍ വന്നു കൊണ്ടിരിക്കും.
അവസാനം പറയും.--
" ഞാന്‍ ഇപ്പോള്‍ ചായ കുടിയും ഊണ് കഴിക്കലും  ഒക്കെ നിര്‍ത്തിയല്ലോ അനിയാ --- സമയം കിട്ടിയാല്‍ ആകെ ചെയ്യുന്നത് എന്തെങ്കിലുമൊക്കെ എഴുതുക മാത്രമാണ്.വായിക്കാനോ, വായിക്കപ്പെടാനോ ഇഷ്ടമാണെങ്കില്‍ ഫ്രണ്ട് റിക്വസ്റ്റ് അയക്കൂ-- ചാറ്റ് ചെയ്യാന്‍ താല്പര്യമില്ല. "

"എഴുതുമോ? അറിഞ്ഞില്ലല്ലോ! എന്തെഴുതും?"

ഒന്ന് പ്രൊഫൈല്‍ നോക്കുകയെങ്കിലും ചെയ്യാതെയാണ്  ചാറ്റ് ചെയ്യാന്‍ വീണ്ടും വീണ്ടും വരുന്നത്! എന്താ പറയ്യാ?
                                                 -----------------------

പക്ഷെ ,ഇന്നലെ  വന്നൊരാള്‍ അങ്ങനെയായിരുന്നില്ല. അയാള്‍ മുഖവുരയില്ലാതെ എഴുതിയിട്ട് പോയതാണ്..

" താങ്കളുടെ കഥകളില്‍ ചിലത് വായിക്കുമ്പോള്‍ നാട്ടിലെത്തിയ പ്രതീതി തോന്നുന്നു. പ്രത്യേകിച്ച് രേണുവിന്‍റെ  കഥകള്‍. അതില്‍ ഞാന്‍ രേണുവിന്‍റെ  അനിയനായി മാറുന്നപോലെ-- ഇന്നലെ ഞാന്‍ അതും വായിച്ചു കരഞ്ഞു. ഒന്ന് ഫോണ്‍ നമ്പര്‍ തരുമോ? എനിക്ക് താങ്കളോട് കുറെ കാര്യങ്ങള്‍ പറയാനുണ്ട്.നിങ്ങളൊക്കെ ഭാഗ്യവാന്‍മാര്‍"

ഇന്നാണ് ആ മെസ്സേജ് കണ്ടത്.

"കഥകള്‍ ഇഷ്ടപ്പെട്ടതില്‍ സന്തോഷം--ഞാന്‍ മൊബൈല്‍ ഉപയോഗിക്കാറില്ല. പിന്നെ---നിങ്ങള്‍ക്കെന്താണ് ഭാഗ്യക്കുറവ്? "

ആള് അവിടെ ഉണ്ടായിരുന്നോ? ഉടന്‍ മറുപടി വന്നു.

"ഞങ്ങളൊക്കെ ഗള്‍ഫിലല്ലേ--"

"അതുകൊണ്ടെന്താ പ്രശ്നം? "‍

"പ്രശ്നം, എനിക്കൊന്ന് എന്‍റെ ഭാര്യയെ കാണണമെങ്കില്‍, മോളെ കാണണമെങ്കില്‍ ഇനിയും രണ്ടു  വര്‍ഷം കാത്തിരിക്കണം. നിങ്ങളൊക്കെ കുടുംബത്തോടോപ്പം , സന്തോഷമായി, എപ്പോള്‍ വേണെങ്കിലും നാട്ടിലും പോകാം.
നാട്ടിലെ മഴ, അവിടത്തെ മണ്ണിന്‍റെ മണം, പുഴയില്‍ പോയുള്ള കുളി, എന്‍റെ മോളുടെ കൊഞ്ചലുകള്‍---ഒരു പ്രവാസിയുടെ സങ്കടം-- അത് നിങ്ങള്‍ക്കൊന്നും മനസ്സിലാവില്ല."

"നാട്ടില്‍ സാമ്പത്തിക പ്രശ്നം കാരണമാണോ ഗള്‍ഫ്‌?"

"ഏയ്‌, ഞങ്ങള്‍ക്ക് സെന്റിന് ലക്ഷക്കണക്കിന്‌ രൂപ വില വരുന്ന ഏക്കര്‍ കണക്കിനു  സ്ഥലവും വലിയ വീടും  ഉണ്ട്. സ്ഥലം അച്ഛന് നോക്കി നടത്താന്‍ പറ്റാതെ വെറുതെ ഇട്ടിരിക്കുന്നു. ഭാര്യ ടീച്ചര്‍ ആണ്.
ആകെ ഒരനിയത്തി ഉള്ളത് ഭര്‍ത്താവിന്റെ കൂടെ കാനഡ യിലും."

"അപ്പോള്‍ പ്രശ്നമൊന്നും ഇല്ലല്ലോ"

"അച്ഛന്‍ പറയുന്നത് നാട്ടില്‍ ജോലി ചെയ്താ മതീന്നാ- പക്ഷെ, ഒരു ഡിപ്ലോമ ക്കാരന് കൂടി വന്നാല്‍ എത്ര രൂപ കിട്ടും?
വീട് എന്‍റെ പേരില്‍ ആക്കാം എന്ന് പറഞ്ഞിട്ടുണ്ടെങ്കിലും ഞാന്‍ സ്വന്തമായി വയ്ക്കേണ്ടേ, ഒരെണ്ണം?  പിന്നെ മോളുടെ കല്ല്യാണം ഒക്കെ നടത്തണമെങ്കില്‍ ഇപ്പോള്‍ പൊന്നിനൊക്കെ എന്താ വില? കുറഞ്ഞത്‌ ഒരു അഞ്ഞൂറ് പവന്‍ എങ്കിലും വേണ്ടേ?

ചേച്ചി എന്താ ഒന്നും പറയാത്തെ? "

"ഞാന്‍ , ഞാനെന്തു പറയാന്‍? മോള്‍ക്ക് എത്ര വയസ്സായി?"

"മോള്‍ക്ക്‌ ഈജൂലൈ യില്‍ മൂന്നു തികയും.
എനിക്കും നാട്ടില്‍ വന്നു നിങ്ങളെപ്പോലെ സ്വസ്ഥമായി കുടുംബത്തോടൊപ്പം കഴിയണമെന്നുണ്ട്. എന്ന് പറ്റും എന്നറിയില്ല."

 "മോളുടെ കല്ല്യാണം കഴിഞ്ഞാല് പറ്റുമല്ലോ? "

"അപ്പോഴേയ്ക്കു വയസ്സായി , പ്രഷര്‍, ഷുഗര്‍--- ഒക്കെ വരൂല്ലേ?"

"അപ്പോള്‍ എല്ലാം അറിയാം. ഭാര്യയോട് ഇതൊക്കെ ഒന്ന് പറഞ്ഞൂടെ? അവര്‍ എന്തെങ്കിലും പരിഹാരംകാണാതിരിക്കുമോ?

"ചേച്ചിയ്ക്ക് അറിയാഞ്ഞിട്ടാ-- ഞാന്‍ നാട്ടിലില്ല എന്ന കാരണം പറഞ്ഞ് അവളും മോളും അവളുടെ വീട്ടിലാ.അച്ഛനും അമ്മയും പറയുന്നത് ഞാന്‍ അവിടെ തന്നെ ഉള്ള ശമ്പളത്തിന് ജോലി ചെയ്ത്, അവരുടെ കൂടെ നില്‍ക്കാനാ. എന്നാല്‍ അവളും കുഞ്ഞും അവിടെ നില്‍ക്കുകയും ചെയ്യുമല്ലോ.

പക്ഷെ ഞാന്‍ നാട്ടില്‍ ഉണ്ടായാല്‍ അവള്‍ എന്‍റെ വീട്ടില്‍ നില്‍ക്കേണ്ടി വരും, എന്‍റെ അമ്മയെ സഹിക്കാന്‍ അവള്‍ക്കു പറ്റില്ല, എന്നാണ് അവള്‍ പറയുന്നതും. മുകളില്‍ പറഞ്ഞ ആവശ്യങ്ങളും അവളുടേത്‌ തന്നെയാ. ചുരുക്കി പറഞ്ഞാല്‍ അവള്‍ക്കു ഇപ്പോള്‍ എന്‍റെ പണം മാത്രം മതി. ഞാന്‍ നാട്ടില്‍ ഉള്ള രണ്ടു മാസം പോലും അവള്‍ കുഞ്ഞിനെ അല്ലാതെ എന്നെ ശരിക്കൊന്നു ശ്രദ്ധിച്ച് കൂടിയില്ല. ഞാന്‍ ഇപ്പോള്‍ ചെകുത്താനും കടലിനും ഇടയിലാ--"

" സ്വന്തം ജീവിതം എങ്ങിനെ, എവിടെ, ആരോടൊപ്പം ജീവിക്കണം എന്ന കാര്യത്തില്‍ പോലും തീരുമാനം എടുക്കാന്‍ വയ്യെങ്കില്‍ നീയൊക്കെ ആണ്‍കുട്ടിയാണെന്നും  പറഞ്ഞു----" ഇത് മനസില്‍ പറഞ്ഞെങ്കിലും , അയാളോട് ഇത്ര മാത്രംഅറിയിച്ചു.

"നിങ്ങളുടെ വിഷമം ഞാന്‍ പൂര്‍ണ്ണമായും മനസ്സിലാക്കുന്നു. ശരി, പിന്നെ കാണാം. കുറച്ചു പണിയുണ്ട്. "

"ഓക്കേ, ചേച്ചീ-- നാളേം കാണണേ---"

"Mute Conversation"
                                   
                                               *   *   *  









31 comments:

  1. ഇത് നടന്ന സംഭവം തന്നെ കഥ ആക്കിയതാണോ?

    വളരെ സ്വാഭാവികം..

    ReplyDelete
    Replies
    1. ഏയ്‌-- അല്ല--പല മെസ്സേജ് ചേര്‍ത്ത് ഒരു കഥയാക്കിയതാണ്--

      അനിത

      Delete
  2. ഹ ഹ ഹാ..!! ഇത് കസറി...
    ചാറ്റ് വീരന്മാര്‍ക്കിട്ടും ഒരു കൊട്ട്..
    കൊള്ളാം..

    ReplyDelete
    Replies
    1. അക്കാ കുക്കാ വന്നല്ലോ-- സന്തോഷം--
      പിന്നെ നിങ്ങളുടെതായി, ഒരു പോസ്റ്റ്‌ എന്‍റെ മെയിലില്‍ വന്നു. ബ്ലോഗില്‍ പോയി നോക്കിയപ്പോള്‍ കാണാനില്ല!
      subject ഇതുപോലെ എന്തോ ആണ്.

      Delete
  3. ഗള്‍ഫില്‍ ഇത്തരക്കാര്‍ ഉണ്ടായിരിക്കാം.പക്ഷെ ഭൂരിപക്ഷവും അതല്ല.ഓരോ ശ്വാസത്തിലും നാട്ടിനെ കുറിച്ചും പ്രിയപ്പെട്ടവരെയും ഓര്‍ത്തു കൊണ്ട്...ഓരോ ദിവസവും എണ്ണിയെണ്ണി ...ആ സങ്കടങ്ങള്‍ ആരോടും പറയാതെ.ഇത് പോലെ ചാറ്റാന്‍ ഒരു കാരണമുണ്ടാക്കുന്നവര്‍ അല്ല.ഉള്ളില്‍ അമര്‍ന്നു കിടക്കുന്ന ഒരു വേദനയാണത് ഉറ്റവരെ പോലും അറിയിക്കാതെ.വേര് പറിഞ്ഞവന്റെ നിസ്സഹായത...അതൊരു അമര്‍ത്തി പിടിച്ച നിലവിളിയാണ്

    ReplyDelete
    Replies
    1. വായിച്ചപ്പോള്‍ വിഷമം തോന്നി--അറിയാം--ആ വേദനകള്‍ അതേ അര്‍ത്ഥത്തില്‍ മനസ്സിലാവും-- ഒരാഴ്ച പോലും കുട്ടികളെ പിരിഞ്ഞിരിക്കാനുള്ള ബുദ്ധിമുട്ട് എനിക്കറിയാം-- അപ്പോള്‍ പിന്നെ-- വര്‍ഷങ്ങള്‍--
      പക്ഷെ--ഇങ്ങനെയും ആളുകള്‍ ഉണ്ട്. അവര്‍ക്ക് ഇത് യഥാര്തത്തില്‍ പിടിപ്പു കേട് കൊണ്ട് പറ്റുന്നതും ആണ്.വേണമെങ്കില്‍ ഒഴിവാക്കാമായിരുന്ന ഒന്ന് ---

      Delete
  4. Replies
    1. ഷാജു--- കുറെ എഴുതാനുണ്ട്. സമയം കിട്ടണ്ടേ--
      അനിത--

      Delete
  5. ചാറ്റ് ചെയ്യാന്‍ സമയം കിട്ടാറില്ല എനിക്ക്. ആ നേരം ഒരു ബ്ലോഗ് നോക്കാമല്ലോ എന്ന് തോന്നും. അതാണ് കാരണം.

    ReplyDelete
    Replies
    1. അജിത്തെട്ടാ-- ഇതാണ് ഞാനും പറയാറുള്ളത്. എന്നാലും എന്തെങ്കിലും ചോദിച്ചുകൊണ്ടിരിക്കും. ഒരാളോടു ചാറ്റ് ചെയ്യുന്ന സമയം കൊണ്ട്, കുറെ fb പോസ്റ്റും ബ്ലോഗും ഒക്കെ നോക്കാലോ--
      ചോദ്യത്തിനു ഉത്തരം പറയാതിരിക്കുന്നത് മര്യാദകേടല്ലേ എന്ന് കരുതിയാണ് രണ്ടോ മൂന്നോ മെസ്സേജ് വന്നശേഷം മറുപടി അയക്കുന്നത്. ഒരിക്കലും ചാറ്റ് ഓണ്‍ ചെയ്യാറുമില്ല.

      Delete
  6. ചില ഇന്‍ബോക്സ്‌ ഇങ്ങനെ ആവാറുണ്ട്. അതിനു രണ്ടുണ്ട് കാര്യം.പിന്നെ ചില നേരത്ത് ചാറ്റല്‍മഴ നനയാം. ആവശ്യമില്ലെങ്കില്‍ഒഴിവാക്കാവുന്നതെ ഒള്ളൂ.ചാറ്റല്‍മഴ വരുമ്പോള്‍ കുടയെടുത്താല്‍ മതി.മഴയെ പഴിക്കണ്ടല്ലോ.

    ReplyDelete
    Replies
    1. അനീഷ്‌, വന്നു കിടക്കുന്ന ചോദ്യങ്ങള്‍ക്ക് കുറഞ്ഞ വാക്കില്‍ മറുപടി കൊടുത്ത്, ചാറ്റിങ് താല്പര്യമില്ല എന്ന് പറഞ്ഞാലും പിന്നെയും വന്നു കൊണ്ടിരിക്കും. പിന്നെ എനിക്ക് ബ്ലോഗ്ഗേര്‍സിനെ പോലെ തന്നെയൊ, ചിലപ്പോള്‍ അതിലധികമോ വായനക്കാര്‍ fbയില്‍ നിന്നാണ്. അവര്‍ നമ്മെ പ്രോത്സാഹിപ്പിക്കുമ്പോള്‍ ഒന്നടങ്കം അവഗണിക്കാന്‍ നമുക്കും പറ്റില്ലല്ലോ-

      Delete
  7. ഞാനും ചാറ്റാൻ നിൽക്കാറില്ല...

    ReplyDelete
    Replies
    1. എഴുതാനും വായിക്കാനും ഇഷ്ടം പോലെ യുള്ളപ്പോള്‍ വെറുതെ ഒരാളോടു ചാറ്റി സമയം കളയുന്നത് ശരിക്കും കഷ്ടം തന്നെയാണ്- സന്തോഷം- വി കെ--

      Delete
  8. അൽപ്പം ചാറ്റ് ഒക്കെ ചെയ്യൂ അതൊരു സുഖമല്ലേ?

    ഗൾഫിൽ പണം ഉണ്ടാക്കാൻ പോയവർ, കൂടുതൽ പണം ഉണ്ടാക്കാൻ പോയവർ, സുഖിക്കാൻ പോയവർ അങ്ങിനെ പല കൂട്ടർ. അവരുടെ വിഷമങ്ങളും പല തരം.

    ReplyDelete
    Replies
    1. ബിപിന്‍, ഗള്‍ഫില്‍ കഷ്ടപ്പെടാന്‍, അങ്ങനെ നാല് കാശുണ്ടാക്കി കുടുംബത്തെ കര കയറ്റാന്‍ തന്നെയാണ് കൂടുതല്‍ ആളുകളും ഇന്നും പോകുന്നുണ്ടാവുക. പക്ഷെ ഇങ്ങനെയും ചിലര്‍- ---

      അല്പം ചാട്ടൊക്കെ ചിലപ്പോള്‍ വേറെ പണിയൊന്നും ഇല്ലെങ്കില്‍ ആവാം.. എന്തെങ്കിലും തടഞ്ഞാലോ!---

      Delete
  9. ചാറ്റില്‍ നിന്നും ഒരു കഥയൊക്കെ ഉണ്ടാക്കാം അല്ലെ,,
    പിന്നെ പ്രവാസികള്‍, പ്രവാസിയാകാന്‍ വേണ്ടി പ്രവാസിക്കുന്നവര്‍; സത്യത്തില്‍ ഇങ്ങനെയും ചിലരുണ്ട്... !!
    ആശയം നന്നായി...
    ഭാവുകങ്ങള്‍

    സസ്നേഹം,

    ReplyDelete
    Replies
    1. മുകേഷ്-- ഇത് നിങ്ങളാണെന്നു, ഇന്‍ബോക്സില്‍ മെസ്സേജ് കണ്ടില്ലെങ്കില്‍ ഞാനറിയില്ലായിരുന്നു. അങ്ങനെ ഒരുപാടു ഉപകാരങ്ങള്‍ ഉണ്ട്.

      പിന്നെ--ഏതൊരാള്‍ കൂട്ടത്തിലും പല തരത്തിലുള്ള ആളുകള്‍ ഉണ്ടാവുമല്ലോ-- പ്രവാസികളിലും ഉണ്ടാവണം--

      Delete
  10. ചാറ്റുകള്‍ ഇങ്ങനെയും !! അതൊരു കഥയായോ എന്ന് സംശയം ഉണ്ട്... (അനുഭവം മുന്നിട്റ്റ് നിന്നത് കൊണ്ടാകാം). ആ സമയം കൊണ്ട് 2 പോസ്റ്റ്‌ വയിചൂടെ..... , യോജിക്കുന്നു... (നല്ല സൌഹൃദങ്ങള്‍ ചിലപ്പോള്‍ ഉണ്ടാകാറുണ്ട് എന്നതും സത്യം ). ആശംസകള്‍

    ReplyDelete
    Replies
    1. ഇത് കഥ തന്നെയാണ് ആര്‍ഷ-- എന്നോടു ചാറ്റിയ ആള്‍ പറഞ്ഞ കാര്യം ഇതിലും ദയനീയം-- ഗേള്‍ ഫ്രണ്ട് അവനെ വിട്ടു പോയി എന്നും ആ ദുഖത്തില്‍ മുഴുവന്‍ സമയവും കള്ളും കുടിച്ചിരിക്കുകയാണെന്നും ഭക്ഷണം പോലും കഴിക്കാന്‍ തോന്നുന്നില്ലെന്നും, ഒക്കെ യാണ്. നേരിട്ട് പരിചയമില്ലെങ്കിലും എന്‍റെ നാട്ടുകാരനാണ് ആള്‍. അതെഴുതിയാല്‍ അവന്‍ എന്നെ തല്ലി കൊല്ലും. അതുകൊണ്ടാണ് ഇതില്‍ മുമ്പെന്നോ നേരിട്ട് കേട്ട മറ്റൊരു കാര്യം ചേര്‍ത്തത്.

      Delete
  11. വളരെ നന്നായി അനിത..
    വീട്ടിലിരിക്കുന്നവരുടെ പേരും പറഞ്ഞ്‌ സഹതാപതരംഗം സൃഷ്ടിക്കുന്ന വിദ്ധ്വാന്മാരെ ഓർമ്മിപ്പിച്ചു :)
    ആശംസകൾ..!

    ReplyDelete
    Replies
    1. നന്ദി, വര്‍ഷിണി --

      Delete
  12. ചാറ്റുകള്‍ കൂട്ടി വെച്ചാലും കഥയാവും അല്ലെ. ആ ടെക്നിക് ഇപ്പോഴാ പിടി കിട്ടിയെ.
    ഒരു നല്ല ജോലി നാട്ടില്‍ വേണേല്‍ നല്ല പഠിത്തം വേണം. ഞങ്ങളെ പോലെയുള്ള 'പൊളി ടെക്കനിക്ക്' ആള്‍ക്കാര്‍ക്ക് വിദേശത്തല്ലേ ഒരു വിധം നല്ല പണി കിട്ടൂ. എന്തായാലും ഡിപ്ലോമകാര്‍ക്കിട്ട് ഇമ്മാതിരി പണി വേണ്ടാരുന്നു. ഹും. ഞങ്ങള്‍ക്കൊന്നും ചോദിക്കാനും പറയാനും ആരും ഇല്ലല്ലോ.

    ReplyDelete
    Replies
    1. ശ്രീജിത്ത്‌, ഞാന്‍ ഉണ്ട് ചോദിക്കാന്‍-- കാരണം ഞാന്‍ ഒരു ഇലെക്ട്രോണിക്സ് ഡിപ്ലോമ ക്കാരിയാണ്. ഭര്‍ത്താവ് മെക്കാനിക്കല്‍ ഉം. എന്‍റെ പ്രൊഫൈലില്‍ വ്യക്തമായി അത് ഉണ്ട്. "പോളി കഴിഞ്ഞാല്‍ പ്രാന്താവും" എന്ന ഒരു ചൊല്ല് തന്നെ ഡിപ്ലോമക്കാര്‍‍ക്കിടയില്‍ ഉണ്ടായിരുന്നു--- താങ്ക്സ്--

      Delete
  13. അത്യാവശ്യമായി എന്തെങ്കിലും ചെയ്യുമ്പോൾ ചാറ്റിംഗ് ശരിക്കും ഒരു ബോറൻ ഏർപ്പാടായി തോന്നാറൂണ്ട്, എത്ര അടുത്ത കൂട്ടുകാരാണെങ്കിലും രഹസ്യങ്ങൾ ചാറ്റിംഗിലൂടെ പങ്കുവെക്കുന്നത് നല്ലതല്ലെന്ന് തോന്നുന്നു.

    ReplyDelete
    Replies
    1. ആരിഫ്, ശരിയാണ്. സമയവും സന്ദര്‍ഭവും അനുസരിച്ചല്ലേ റിയല്‍ ലൈഫ് ആണെങ്കിലും നമ്മള്‍ സംസാരിക്കാറുള്ളൂ--- ഫ്രണ്ട് ആയാല്‍ ചാറ്റ് കമ്പല്‍സറി യാണ് ഇല്ലെങ്കില്‍ unfriend ആക്കി പോകുന്നു എന്നും പറഞ്ഞു പോകുന്നവര്‍ ഉണ്ട്. സന്തോഷത്തോടെ യാത്രയയക്കും--

      Delete
  14. തികച്ചും സ്വാഭാവികമായ ചിത്രീകരണം. ചാറ്റിൽ ചീറ്റു കണ്ടുവരുന്നത് സ്വാഭാവികമായതിനാൽ സ്ത്രീപുരുഷഭേദമെന്യേ എല്ലാവരും വളരെ ശ്രദ്ധിക്കേണ്ടിയിരിക്കുന്നു. ആശംസകൾ.

    ReplyDelete
    Replies
    1. സന്തോഷം ഡോക്ടെര്‍--

      Delete
  15. പാവം ചേട്ടന്‍

    ReplyDelete
    Replies
    1. ചുമ്മാതാ-- ഇങ്ങനെയല്ല---

      Delete
  16. ഞാനെന്തു പറയാന്‍?

    ReplyDelete