1/25/13

കാക്കയ്ക്ക് പറയാനുള്ളത്

അച്ഛന്‍റെ കവിതകള്‍
കവിയുടെ അനുവാദം കൂടാതെ  ഇതിവിടെ പ്രസിദ്ധീ കരിക്കുന്നു, അദ്ദേഹം ഇന്നീ ലോകത്തി ലി ല്ലെങ്കിലും  ഈ കവിതയിലൂടെ  നമ്മോടു  സംവദിക്കട്ടെ!













കാക്ക മുത്തശ്ശിയാം കാക്കിയമ്മ,
അന്ന് വിക്കിയും, മൂളിയും,
ഞെങ്ങി, ഞരങ്ങി പറഞ്ഞ കഥ.
കാക്ക മുത്തശ്ശന്‍ ഞരങ്ങി, കാ--കാ--

കാക്കയ്ക്ക് മരണമില്ലൊരുനാളും!
കാക്കത്തലവന്‍ പറഞ്ഞതു മോര്‍ക്കുന്നു--
ബലിയിട്ട  പുത്തരി നെല്ലിന്‍റെ ചോറ്,
നമ്മള്‍ക്ക് മാത്രം വിധിച്ചതത്രേ!

കൊന്നും, കൊടുത്തും,ഭരിച്ചും,നശിച്ചും,
ഞാനെന്ന ഭാവത്തിലാക്രോശിച്ചും,
കൈ വെട്ടി, തലവെട്ടി,ഹൃദയത്തിലീയഗോളം കടത്തി,
നമ്മുടെ കൊച്ചു മക്കള്‍ കളിക്കുന്നു--
-ആഹ്ലാദ മാരവ മായിടട്ടെ!

അവരുമൊരുദിനം കാക്കയായി*,
ഒരുരുള ബലി ച്ചോറ് തേടിയെത്തും!
കൂടുവെയ്ക്കാന്‍ മാവിന്‍ ചില്ലയില്ല,
പെയ്തൊഴിയാന്‍ തിരുവാതിരയും!


                                കാപ്പാടന്‍ ഗോവിന്ദന്‍ മാസ്റ്റര്‍.


*മരണശേഷം മനുഷ്യന്‍ കാക്കയായി വന്ന് ബലിച്ചോര്‍ സ്വീകരിക്കുന്നു, എന്നതൊരു സങ്കല്‍പം.

15 comments:

  1. കൊള്ളാം,

    അച്ഛന്റെ ആത്മ ശാന്തിക്കായി പ്രാര്‍ഥിക്കുന്നു

    ReplyDelete
  2. നല്ല കവിത
    പ്രാർത്ഥനകൾ

    ReplyDelete
  3. അവരുമൊരുദിനം കാക്കയായി*,
    ഒരുരുള ബലി ച്ചോറ് തേടിയെത്തും!
    കൂടുവെയ്ക്കാന്‍ മാവിന്‍ ചില്ലയില്ല,
    പെയ്തൊഴിയാന്‍ തിരുവാതിരയും!

    മരണമെന്ന പ്രപഞ്ച സത്യം. മരണത്തിന്റെ നിഴലിലാണ് ജീവിതമെന്നും. പക്ഷെ നാം അതോര്‍ക്കാറില്ല, അല്ലെങ്കില്‍ മറന്നതായി നടിക്കുന്നു,

    അച്ഛന്റെ വരികള്‍ ഒരു ഓര്‍മ്മപ്പെടുത്തല്‍ പോലെ.

    ReplyDelete
  4. നല്ല വരികള്‍

    ReplyDelete
  5. വളരെ ചൈതന്യമുള്ള വരികള്‍

    ReplyDelete
  6. നല്ല വരികള്‍ :)

    ReplyDelete
  7. കൂടുതല്‍ കവിതകള്‍ വരട്ടെ

    ReplyDelete
  8. കൊള്ളാമല്ലോ...

    ReplyDelete
  9. അച്ഛന്‍ ഈ ലോകം വിട്ടു പോകുന്നതിനും ഏകദേശം ഒരു വര്‍ഷം മുമ്പേ എഴുതിയ കവിതയാണ്. ഈയ്യിടെ കയ്യില്‍ കിട്ടിയപ്പോള്‍ പോസ്റ്റില്‍ ഇട്ടാലോന്നു തോന്നി.ഒരുപാടു കവിതകളും നാടകങ്ങളും ഒക്കെ എഴുതുകയും സംവിധാനം ചെയ്യുകയും(മിക്കതും പഠിപ്പിക്കുന്ന സ്കൂളിന് വേണ്ടി) ഒക്കെ ചെയ്തിട്ടുള്ളയാളാണ്. ഇതൊഴികെ വേറൊന്നും കയ്യില്‍ ഇല്ല. സ്വയം കൊടുത്ത ഈണത്തില്‍ പാടിക്കേട്ട വരികള്‍ മാത്രം ചിലതുണ്ട്- മനസ്സില്‍.. അഭിപ്രായങ്ങള്‍ക്ക് ഒരുപാടു നന്ദി, എല്ലാവരോടും.

    ReplyDelete
  10. ഞാന്‍ ഇങ്ങിനെ എഴുതി നിറക്കുന്നതല്ലാതെ മറ്റാരുടെയും ബ്ലോഗില്‍ പോയി നോക്കാറില്ല. ലണ്ടനിലെ മുരളി ഏട്ടന്‍ പറഞ്ഞു, അങ്ങിനെ പറ്റില്ല, എല്ലാവരുടെ തട്ടകത്തിലും പോകണം, ഹാജര്‍ മാര്‍ക്ക് ചെയ്യണം, ഹെലോ പറയണം എന്നൊക്കെ.
    ഞാന്‍ അദ്ദേഹത്തെ അനുസരിച്ച്, ഇനി എല്ലാവരെയും പോയി കാണാം.

    മെനി താങ്ക്സ് മുരളിയേട്ടാ യുവര്‍ വണ്ടര്‍ഫുള്‍ ഐഡിയാസ് .... what an idea setjeeeeeeeeeeeee....?!!

    ReplyDelete
  11. നല്ല വരികള്‍ ,,നന്നായി ഈ അനുസ്മരണം

    ReplyDelete
  12. കാക്കയ്ക്ക് മരണമില്ലൊരുനാളും! കവിതയ്ക്കും..

    ReplyDelete
  13. This comment has been removed by the author.

    ReplyDelete